Selden Carol Book ( 15th C, Bodleian MS. Arch. Selden B. 26)

Sheet Music

MP3 Files

Soprano and Alto Parts

Tenor Part

Bass Part

All parts together

Full Lyrics:

Owt of your slepe aryse and wake,

For God mankynd nowe hath ytake,

Al of a maide without eny make;

Of al women she bereth the belle.

Refrain:

Nowel! Nowel! Nowel! Nowel! Nowel!

2.

And thirwe a maide faire and wys,

Now man is made of ful grete pris;

Now angelys knelen to mannys servys,

And at this tyme al this byfel.

Refrain

3.

Now man is bryghter than the sonne;

Now man in heven an hye shal wone;

Blssyd be God this game is begonne,

And his moder empresse of helle.

Refrain

4.

That ever was thralle, now ys he fre;

That ever was smalle, now grete is she;

Now shal God deme bothe the and me

Unto his blysse yf we do wel.

Refrain

5.

Now man may to heven wende;

Now heven and erthe to hym they bende;

He that was foo now is oure frende;

This is no nay that Y yowe telle.

Refrain

6.

Now blessyd brother, graunte us grace

A domesday to se thy face.

And in thy courte to have a place,

That we mow there synge ‘Nowel’.

Refrain